Introducción

Un é mestre, tamén avó e por riba xubilado; desa trindade é sinxelo deducir que a relación co neto presuponse máis afectiva que educativa, máis consentidora e gozosa que respectuosa cos canons establecidos pola sociedade que pouco poden, en moitos casos, importar a un xubilado canso de termar pola exemplaridade social durante tantos anos.

Baixo estas consideracións naceu este traballo de hai dous anos agora convertido en blog.

O percorrido polo Camiño de Santiago danos pé para comentar a relación avó-neto, a historia e o patrimonio da ruta francesa, contando moi especialmente coa axuda do Códice Calixtino; lendas, paisaxe, e mailo comportamento humano xunto co descubrimento de novas amizades. Todo aquilo que forma parte das ledicias, gozos e andainas dos peregrinos.

Con este blog, ademais de vivir esa experiencia, pretendemos que nos axudedes coas vosas achegas.

Aventura no Camiño

A Maricarmen

Aos fillos

Aos avolos

Aos netos